16. Zabung Puak Ding Manghilh Lo

16. Zabung Puak Ding Manghilh Lo

Zabung puak ding mangngilh lo,
Mangngilh hang la kiik hamtang;
Sumpi diing mangngilh tawntung,
Mangngilh hang la kiik tuanlo,
Labu ken diing don lo-in,
Vantung tunding na sawm a
En dih vena kha a ding khasia in naubang a kap.

It le hang a mel a hoih, Mudah leng a meel a sia;
Phal le piak ding om a, Phal kei leng piak diing om lo;
Pai nuam leng naicik hi a, Ut kei leng lah gamlapi,
Ki-itna in khum pen a, Muhdahna in khaat in khaa.
Na deih teng leina ding in,
Sum leitawi kihta ngeilo;
Pasian a diing khatvei beek,
Sum leitawi in pai ngei lo,
Pasian a ding phallo te’n,
Phal hun cih nei ngeilo a,
Neih man a piak hi lo a,
Phal man a piak hi zaw hi.

Pasian nasep ding ciang in,
Kei teek ta ing na ci a;
Aituam nasep ding ciang in,
Kuamah kihta keng na ci,
Pasian nasep kinlo te’n,
Man hun cih nei ngeilo hi,
Ka man ciitciat kei ci-in,
Ciitciat in hun beisak hi.

17. Van Leh Lei Piangsak

Vaan leh lei piangsak Pasian,
Ni leh kha piangsak Pasian;
Ka nuntakna a hong bawl ka Pasian,
Ni taang leh guahtui hong pia,
Tuuk ciangin an hong la sak,
Na vangliatna kong phat hi ka Pasian.

Topa aw ka lungdam hi,
Nisim nong lungdamsak hi;
Ka hin lai teng na min ka phat den diing,
Tumging tawh nang kong phat ding,
Laamna toh nang kong phat ding,
Halleluiah ! na min thang den ta hen.Khat vei vei neek ding neilo,
Khat vei vei silh ding neilo;
Ahihhang Topa’ hoihna ka phawk hi,
Van ah leeng vasate leh,
Gamlak unok paakte in,
Ka nunna nisim in tha hong dim zel.

Tuni in kei a ding in,
Hun hoih hun nuam hong kipia;
Topa’ tung lungdam ka ko ding hi,
Lungdam koh Biakna pia in,
Topa ka pahtawi diing hi,
Ka hatna teng tawh a min ka phat ding.

18. Siampi Lian Jesu Ih Nei

Siampi lian Jesu ih nei,
Eite’ a ding lau om kei,
Na sansa thu lenkip in;
Eite’ a diing hong thumsak,
Nget diing ih theih loh laitak,
Na sansa thu lenkip in.

Hong paikiik ding khatvei chaing’,
Kei a diing in hong pai diing,
Amah kiang ah hong pi ding a tawntung in
A bei theilo nopna ah,
A tawntung ih phat den ding,
Na sansa thu lenkip in.
Haksatnate ka thuak chiang’,
Ze-etna te’n hong nawk ciang,
Ka sansa thute phawk ing;
Ka suahtaak naang in lampi,
Ka zawh theih naang in lampi,
Hong bawlsak zo cih thei ing.

Ka ngah diing a kilawmte,
Ka saan diing a kilawmte,
Daan khempeuh pan ka suakta;
Ka ngah diing a kilawm lo,
Ka saan diing a kilawm lo,
Hamphatna te ka tangta.

19. Pasian Gam Leh Dikna

Pasian gam leh dikna, Pasian thu leh deihna,
Thupitak ngaihsun dih ni;
Leitung nate’ sang in, thudang dangte’ sangin,
Zong masa zaw lecin,
Tuan ate tawh hong pia khawm ding hi.

Suul honghei vaw sanggam aw,
Sianmang’ simthu anbang kumkhawm in ah,
Amai zong dih ni;
Van mantam a ih lungkhamnate,
Jesu zawhna sung ah hong tuisuak ding hi,
Vaan daituite hong luang ding hi.A thu sung kibual leng, A Kha sung kidiah leng
Ama thu ah lungkim leng;
Ih lunggulh nate thei, Ih tangsap nate nei,
Ih ngaihsutna sang in,
Hong pia nuam zaw amah muang peuh leng.

Haksatna hong tun ciang’,
Lungkhamna hong tun ciang,
Gilkial dangtaak ih tuak ciang;
Pasian mai zong zaw ni, Pasian mai-et zaw ni,
Midangte muan ding sang,
Jesu kumpi muan ding hoih zaw hi.

Ih gitlohna pan in, Ih lungsim niamkhiat in,
Ih Topa kiang zuan dih ni;
Ih lungsim sungkhia in, Ih mawhna pulak ni,
Tua hi leh ih gamsung,
Thupha hong pia’n hong damask ding hi.

20. Leivui Pan In Hong Laam To

Leivui pan in hong laamto,
Niinphual pan in hong dom to,
A sanna lam ka tungto,
Lungmawl kei ka nuntakna hong laamto;
A zawngkhal pen kei bang lel,
A lungmawl pen kei bang lel,
Na min a diing hong laamto,
Gual lai-ah Sian aw na minpha ka lo.

Hong leng ing e, Sianmang Jesu,
Na zalna leh na angliim ngai ing e,
Khuva bang hong khawlsak aw;
Hong leng ing e, Sianmang Jesu,
Na zalna leh na angliim ngai ing e,
Khuva bang hong khawlsak aw.
Laikawi khat zong theilo te,
Laipai khat zong theilo te,
Lungmawl, genthei mangbang te,
Luai naubang hong muam in hong pan tah a;
Ann zong ne thei nailo te,
Puan zong silh thei nailo te,
Gaal leh sa bang melmate,
Sian in hong itna damtui hong luanta.

Tun sung khat pan laizomte,
Iitna melma lungmawlte,
Suihlung dawnbang ih tuak diam,
Sinlai siangtho vabang pil ding hong siam;
Hong leeng aw, hong leeng aw,
Sianmang Jesu hong leeng aw,
Nang’ kiang lo koi ka pai diam?
Na min phat lo maimit ka sing thei diam?

21. Lamet Bei A Ka Omlai

Lam-et bei ka omlai, lungmuanna hong tunga,
Ka mai ah meivompi hong kai in,
Ka lampi mial in a lauhuai hang’n;
Khuavak ni hong taangta,
Kei a ding hong pai Jesu kumpi.

Kei taang a diing hong sih lawh ka Topa,
Tawntung nunna lampi hon tun zo;
Kei taang a diing hong suplawh ka Topa,
Ka nuntakna hong bawl hoihsak zo.

Pheiphung suan kha in bah,
Mitguite kham in zeu,
Khatvei vei lei gawtaak tui omlohna gam ah;
Singkung bang ka nunna huihkhi dam sem in keu,
Ka awm laitak Jesu’n hong delhpah.

Kei tang dingin hong ding, keitang ding hong kithawi,
Keithuak ding teng hong thuak, kei sep tang in hong sem.
Kei a ding hong thum sak, kei tangin mawhlawh tawi
Siaitutna teng Aman tual in lem.

22. Lamdang Lua Aw, Lamdang Lua

Lamdang lua, aw lamdang lua sa’ng,
Liangvai keia dingin; Dahna khitui hong nulsiangta;
Nuamna viven dimta, Nong itna tel semsem leng,
Nuamna khitui hong luang,
Leitung hauhna sang manpha zaw;
Nopna kei a ahi ta.

w Jesu a Kha Siangthou Hong leng (Jesu),
Innkuan sung hong omchiang (Jesu);
Nu-le-pa’n zong lasa khawmta,
Tate zong hong lamta, innkuan in lasa khawm leng;
Buaina lah omnawn lou.

Thangvan Laukha Siangthou hong leng,
Zougam hong phawng ding in;
Vangletna dia itna khitui toh;
Tuailaite hong manta,
Enven hiai lai khangnote, Biakinn ah hong lamta;
Hunkhat lai a mangthang sa, ih tate eive le.

Kitot kisel om nawnlou,
Nuamna vive’n dimta,
Nupa kal zong hong nuam sem sem,
Kha sung ah bual khawm leng,
Tu leh tate masuan in, Biakinn lam paikhawmta,
Kiten kum lah hong tam sem sem,
Ngaih mel lah hoih sem sem.